23 ოქტომბერს ყველაზე ცნობილმა კრიპტოვალუტურმა ბირჟამ Coinbase განაცხადა, რომ ის სთეიბლკოინ USDC-ს მხარდაჭერას უზრუნველყოფს. Coinbase-ის ყველა მომხმარებელი USDC-ით ოფიციალურ ვებ-საიტზე შეძლებს ვაჭრობას.
Coinbase-ის ოფიციალურ ტვიტერზე წერია:
Coinbase-ი სთეიბლკოინ USDC-ს მხარდაჭერას იწყებს. დღეიდან Coinbase-ის კლიენტები, რომლებსაც მსგავსი ოპერაციების მხარდაჭერის იურისდიქცია აქვთ, USDC-ს coinbase.com-ზე ან მის მობილურ აპლიკაციაში იყიდიან, გაყიდიან, გაგზავნიან და მიიღებენ.
მონეტების შემქმნელების თქმით, Ethereum-ის ბლოკჩეინზე USDC აშშ დოლარის ექვივალენტით დევს. უფრო მარტივია USDC-ის გაგზავნა, პროგრამირება და DApps-იდან გამოყენება. Coinbase-ის გუნდი USDC-ით ვაჭრობას მალე პროფესიონალური მომსახურების პაკეტში დაამატებს. ამ მომენტისათვის Coinbase-ის საფულე Circle-ის ტოკენების მხარდაჭერასაც უზრუნველყოფს.
Coinbase-ის ტვიტერის თანახმად, ეს ინიციატივა გახსნილი ფინანსური სისტემის მიმართულებით წინ გადადგმული მნიშვნელოვანი ნაბიჯია. ამავე ინფორმაციის თანახმად,Coinbase-ი და Circle-ი ერთობლივად ახალი კონსორციუმის CENTRE შექმნაზე მუშაობენ. Coinbase-ის ბლოგში ნათქვამია:
„Coinbase და Circle ყველა სტანდარტის დაცვით მუშაობენ და სანდო პლატფორმების რეპუტაციით სარგებლობენ. CENTRE-ი USDC-ს იმ ადამიანებს შეთავაზებს, რომლებსაც სთეიბლკოინების ყველა უპირატესობით სარგებლობა სურს“.
Coinbase-ის კორპოროტიული განვითარების ვიცე პრეზიდენტის ემილი ჩოის განცხადებით, სხვა კრიპტოვალუტების ფასთა მერყეობა საერთო აღიარებას ყველაზე მეტად უშლის ხელს. მისი თქმით, ამ თანამშრომლობის მიზანია - ბაზრის ახალ, ისეთ დონემდე განვითარება, როდესაც ადამიანები კრიპტოვალუტას ყოველდღიურ ცხოვრებაში გამოიყენებენ.
კრიპტოვალუტურმა საზოგადოებამ ეს განცხადება არაერთგვაროვნად აღიქვა.
Cypherglass-ის გენერალურმა დირექტორმა რობ ფინჩმა განაცხადა:
მე დარწმუნებული ვარ, რომ ბევრს გაუხადება, რომ მას ტრანზაქციის გასახორციელებლად რამდენიმე წუთის ლოდინი და თანაც 1 აშშ დოლარამდე საკომისიოს გადახდა მოუწევს, მხოლოდ იმის გამო, რომ ეს მონეტა Ethereum-ის ბლოკჩეინზე იმყოფება. ეს მიკროგადასახადები არცთუ ისე „მიკროა“ თუ მათ კიდევ ტრანზაქციის საკომისიოს დაუმატებთ.
ასევე წაიკითხეთ
Binance ტოკენით სასტუმროს საფასურის გადახდა შეიძლება
ბლოკჩეინზე დაფუძნებული სასტუმროების დაჯავშნის პლატფორმა Tripio, რომელიც ასევე სახელით Crypto Airbnb-ი არის ცნობილი, საკუთარ მომხმარებელს სასტუმროს 450 000 ნომრის და საცხოვრებელი ფართის ქირის საფასურის BNB ტოკენებით გადახდის შესაძლებლობას აძლევს.
ბირჟა Huobi-მ შესაძლოა 32 კრიპტოვალუტა ვაჭრობიდან ამოიღოს
Huobi მსოფლიოში ერთ-ერთი უმსხვლესი კრიპტოვალუტური ბირჟაა. ცოტა ხნის წინ მან რისკის ზონაში მყოფი 32 ციფრული ვალუტის ჩამონათვალი გამოაქვეყნა.
უკანასკნელი სტატიები კატეგორიიდან ბირჟები
